हेटौँडाः मकवानपुरको कैलाश गाउँपालिका–१०, बेतेघारीमा एक जना पुरुष मृत फेला परेका छन् । मृत फेला पर्नेमा गोपीराङका ५६ वर्षीय पूर्ण बहादुर प्रजा रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार साँझ ६ बजेर ३० मिनेटको समयमा प्रजा मृत अवस्थामा फेला परेका थिए । अनुसन्धानका क्रममा प्रजा दैनिक ज्यालादारी गर्ने गरेको र अत्याधिक मादक पदार्थ सेवन गरी हिँड्ने गरेको प्रहरीले जनाएको छ ।
