हेटौंडाः बागमती प्रदेशको “विनियोजन विधेयक २०७७” माथि उठेका सांसदहरुको प्रश्नको जवाफ दिँदै प्रदेशका आर्थिक मामिला तथा योजना मन्त्री कैलाश प्रसाद ढुंङगेलले सांसदहरुको सुझावलाई विश्वविद्यालयको शिक्षाको रुपमा लिएको बताउनुभएको छ ।
वनले पनि बाघ चिनेको र बाघले पनि वनलाई चिनेको भन्दै सबैलाई अहिलेको बजेट बोकेर पुरा गर्न सहयोग पु¥याउन आग्रह गर्नुभयो । उहाँले सांसदहरुको प्रश्नको जवाफ दिनुहुँदै ग्रामिण अर्थतन्त्र र सहरी अर्थतन्त्रको खाडल कम गर्ने, उत्पादनमा वृद्धि गरेर आत्मनिर्भरता हुने तथा सबल अर्थतन्त्र निर्माण गर्नुनै समाजवाद उन्मुख भएको बताउनुभएको छ । सांसदहरुले सामाजवाद भनेको के हो भनेको प्रश्नमा उहाँले यस्तो जवाफ दिनुभएको हो ।
त्यसतै उहाँले अहिलेको बजेटका कार्यक्रमहरु सबै पुरा गर्न सकिने र आगामी वर्ष लक्ष्य लिएको राजस्व पनि उठाउन सकिने बताउनुभयो । उहाँले सांसदहरुलाई अर्थविविधमा राखेको बजेट सबै खर्च हुने र त्यसमा भ्रष्टाचार हुन्छ की भनेर शंका नर्गन पनि भन्नुभएको छ ।
उहाँले आगामी बजेट ५१ अर्ब किन आएको भन्ने प्रश्नमा प्रदेशको सबै कार्यक्रम व्यवस्थापन गर्दा प्राथमिकतामा परेकालाई मात्र राख्दा आएको बताउनुभयो । त्यस्तै उहाँले योजना आगोगबाट आएको योजनामा बजेट हुनुपर्नेमा त्यसो नभएको भन्ने प्रश्नको जवाफ दिनुहुदै नीति तथा योजना आयोग निष्क्रिय नभएको र त्यसलाई अझ सक्रिय बनाउँदै लैजाने बताउनुभयो । योजना आयोगको सदस्य उपाध्यमा प्राय सरकार निकटका विज्ञहरु नै हुने गरेको अभ्यास रहेको भन्दै सरकारले कार्यकर्ता भर्ति गरेको नबुझन् आग्रह गर्नुभयो ।
आर्थिक मामिला मन्त्री ढुंङ्गेललाई आज सांसदहरु नरोत्तम वैद्य, प्रभात तामाङ, कल्पना नेपाली, पुकार महर्जनले, मिलनबाबु श्रेष्ठ, सिर्जना सैजु, राधा घले, सुरेन्द्रराज गोसाई, रिना गुरुङ, कृष्णलाल भँडेल, शोभा शाक्य, बलराम पौडेल र विजया केसी लागयतले पुरक प्रश्न गर्नुभएको थियो ।
