हेटौंडाः हेटौंडा उपमहानगरपालिका वडा नम्बर २ स्थित पुरानो मकवानपुर रोडमा एक जना पुरुष मृत फेला परेका छन् । मृत फेला पर्नेमा सोही ठाउँका ५४ वर्षीय रामेश्रर श्रेष्ठ रहेको जिल्ला प्रहरी कार्यालय मकवानपुरले जनाएको छ ।
घरमा एक्लै बस्दै आइरहेका श्रेष्ठ मंगलबार दिउँसो १२ बजेर ३० मिनेटको समयमा श्रेष्ठ आफ्नै घरको शौचालयमा मृत अवस्था रहेको भन्ने खबर प्राप्त हुनासाथ वडा प्रहरी कार्यालय हेटौंडाबाट प्रहरी निरीक्षकको कमाण्डमा प्रहरी टोली खटिएको थियो । श्रेष्ठको शव मुचुल्का पश्चात पोष्टमार्टमका लागि हेटौंडा अस्पताल लगिएको छ । घटनाबारे थप अनुसन्धान भइरहेको प्रहरीले जनाएको छ ।
