हेटौँडाः वीरगञ्जबाट हेटौँडा बसामा यात्रा गरेर आएका एक जनाको मृत्यु भएको छ । मृत्यु हुनेमा हेटौंडा–१, जरुवाटोलका ३२ वर्षीय आकाश महत रहेको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले जानकारी दिनुभएको छ ।
आइतबार वीरगञ्जबाट हेटौँडा हुँदै नारायणघाटतर्फ जाँदै गरेको ना ७ ख ३५७५ नम्बरको बसमा यात्रा गरिरहेका महत हेटौँडा आइपुगेपछि अचानक बेहोस भएका थिए । बेहोस भएका महतलाई उपचारका लागि हेटौँडा अस्पतालमा लगिएकोमा अस्पताल पुग्नसाथ आइतबार दिउँसो १ बजेर ३९ मिनेटको समयमा डाक्टरले मृत घोषणा गरेको हो । महतको शव अस्पतालमै रहेको र थप अनुसन्धान भइरहेको प्रहरीले जनाएको छ ।
