हेटौँडाः काभ्रेपाञ्चोक जिल्लाको तेमाल गाउँपालिका–२, काफलबोटमा फलामे रडको प्रहारबाट एक जना महिलाको मृत्यु भएको छ । मृत्यु हुनेमा ५८ वर्षीया साइँली तामाङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार दिउँसो ४ बजेर २० मिनेटको समयमा ५५ वर्षीय मानध्वज तामाङले मादक पदार्थ सेवन गरी साइँलीलाई रड प्रहार गरेका थिए । रड प्रहारबाट साईली गम्भीर घाइते भएकी थिईन् । प्रहरी टोली घटनास्थल पुग्दा साइँलीको मृत्यु भइसकेको प्रहरीले जानकारी दिएको छ । मुचुल्का पश्चात शव पोष्टमार्टमका लागि धुलिखेल अस्पताल लगिएको र रड प्रहार गर्ने मानध्वजलाई प्रहरीले नियन्त्रणमा लिएको छ ।
