हेटौंडाः हेटौंडा–२ स्थित मकवानपुर बहुमुखी क्याम्पसले कक्षा ११ को वार्षिक परीक्षा तालिका सार्वजनिक गरेको छ । आइतबार सार्वजनिक गरिएको तालिकाअनुसार आगामी जेठ ८ गतेदेखि परीक्षा सञ्चालन हुनेछ । जेठ १८ गते शुक्रबारसम्म सञ्चालन हुने परीक्षा बिहान ७ बजेदेखि १० बजेसम्म हुने जनाइएको छ ।
मकवानपुर बहुमुखी क्याम्पसमा विज्ञान, वाणिज्य, मानविकी र शिक्षाशास्त्रका विषयहरु पठनपाठन हुने गरेको छ । कक्षा ११ को परीक्षा विद्यालय तथा क्याम्पस आफैंले आन्तरिकरुपमा लिने व्यवस्था छ ।
