हेटौंडाः मकवानपुरको इन्द्रसरोवर गाउँपालिका–२, सिमखोलास्थित हेटौंडा–काठमाडौै सडकखण्डमा मोटरसाइकल दुर्घटना हुँदा एक जना नेपाली सेना घाइते भएका छन् । घाइते हुनेमा चितवनको खैरेनी नगरपालिका–१ का २९ वर्षीय यज्ञ बहादुर मगर रहेको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले जानकारी दिनुभयो ।
शनिबार दिउँसो २ बजेर २५ मिनेटको समयमा उक्त सडकखण्डमा हेटौंडाबाट काठमाडौैतर्फ जाँदै गरेको लु ३४ प ३६०४ नम्बरको मोटरसाइकल आफै अनियन्त्रित हुँदा चालक मगर घाइते भएको हो । मोटरसाइकल सडकबाट १५ मिटर तल खस्दा ढाडमा चोट लागेर घाइते भएका मगरलाई उपचारका लागि काठमाडौंस्थित छाउनी अस्पतालमा लगिएको प्रवक्ता भण्डारीले बताउनुभयो । घाइते मगर दाङको रङसिंह दलमा कार्यरत नेपाली सेना हुुनुहुन्छ ।
