बागमतीः मकवानपुरको बागमती गाउँपालिकामा कक्षा ५ र ८ को वार्षिक परीक्षा सुरु भएको छ । शुक्रबारबाट पालिकाभित्रका ३२ विद्यालयमा परीक्षा सुरु भएको पालिका शिक्षा विकास शाखा समितिका प्रतिनिधि प्रमोद राईले जानकारी दिनुभएको छ ।
परीक्षाको पहिलो दिन शुक्रबार नेपाली विषयको परीक्षा भएको छ । परीक्षाका लागि पालिकाले शिक्षकहरुलाई अन्तरविद्यालयमा केन्द्राध्यक्ष तोकेर खटाइएको छ । परीक्षामा कक्षा ५ मा ६ सय २५ विद्यार्थी र कक्षा ८ मा ५ सय ४३ जना विद्यार्थी छन् । जसमध्ये पहिलो दिन कक्षा ८ मा १३ जना विद्यार्थी अनुपस्थित भएका छन् । परीक्षा चैत ९ गतेसम्म संचालन हुनेछ ।
