हेटौँडाः मकवानपुरको थाहा नगरपालिका–१० मा एक महिला मृत फेला परेकी छन् । मृत फेला पर्नेमा सोही ठाउँकी ५० वर्षीया ज्ञानीमाया गमाल रहेको जिल्ला प्रहरी कार्यालय मकवानपुरले जनाएको छ ।
बुधबार बिहान १० बजेको समयमा गमाल घरमा सुतिरहेको अवस्थामा मृत फेला परेकी हुन् । स्थानीयले बोलाउँदा घरको ढोका नखुलेको भन्ने खबर प्राप्त हुनासाथ प्रहरी टोली खटेर हेर्दा गमाल खाटमा सुतिरहेको अवस्थामा मृत फेला परेको जनाएको छ । शवलाई पोष्टमार्टमका लागि काठमाडौंस्थित टिचिङ अस्पतालमा लगिएको प्रहरीले जनाएको छ ।
