हेटौँडाः मकवानपुरको मनहरी गाउँपालिका–७, रोटरी मार्केटमा रक्तदान कार्यक्रम भएको छ । मंगलबार बिहान भएको कार्यक्रममा ३४ जनाले रक्तदान गरेका छन् । राष्ट्रिय युवा संघ मनहरी गाउँपालिका–७ वडा कमिटीको आयोजनामा रक्तदान कार्यक्रम भएको हो ।
कार्यक्रममा २ जना महिला र ३२ जना पुरुषले रक्तदान गरेका रक्तसञ्चार केन्द्र हेटौँडाका इन्चार्ज टंक दहालले जानकारी दिनुभयो । रक्तदान कार्यक्रममा रक्त सञ्चार केन्द्र हेटौंडाको प्राविधिक सहयोग रहेको थियो । युवा संघको केन्द्रीय लेखा समिति सदस्य सन्तोष चौलागाईको प्रमुख आतिथ्यमा रक्तदान कार्यक्रमको उद्घाटन भएको हो ।
