हेटौँडाः हेटौँडा–११, स्थित थानाभर्याङबाट प्रहरीले ५४ किलो लागुऔषध गाँजासहित ३ जनालाई पक्राउ गरेको छ । पक्राउ पर्नेमा मनहरी गाउँपालिका–२ बस्ने २७ वर्षीय राजकुमार स्याङ्बो, २४ वर्षीय पलगु राजकुमार स्याङ्बो र २३ वर्षीय राम कुमार स्याङ्बो रहेको बागमती प्रदेश प्रहरी कार्यालय हेटौँडाले जानकारी दिएको छ ।
मनहरीबाट हेटौँडा बजारतर्फ जाँदै गरेको ग २३ प ६४३८ नम्बर र बा प्र ०३–००५ प ८९८४ नम्बरको दुई वटा मोटरसाइकललाई मंगलबार बिहान ११ बजेको समयमा राप्ती पुल नजिक रोकेर सुरक्षाजाँच गर्दा मोटरसाइकलमा सवार उनीहरुको साथबाट लागुऔषध गाँजा ५४ किलो बरामद गरेको थियो । लागुऔषध गाँजा, मोटरसाइकलसहित तीनै जनालाई नियन्त्रणमा लिई आवश्यक कार्बाहीका लागि जिल्ला प्रहरी कार्यालय मकवानपुर लगिएको प्रहरीले जानकारी दिएको छ ।
