हेटौंडाः भारतको नयाँ दिल्लीको नाइडामा हुन लागेको फस्ट प्राइममिनिस्टर कप आमन्त्रण तेक्वान्दो प्रतियोगितामा सहभागी हुने खेलाडीहरुलाई बिदाइ गरिएको छ । २ दिनसम्म सञ्चालन हुने प्राइममिनिस्टर कप आमन्त्रण तेक्वान्दो प्रतियोगितामा सहभागी हुने ९ जना खेलाडीहरुलाई शनिबार बिदाइ गरिएको हो ।
प्रतियोगितामा सहभागी हुने खेलाडीमा रवीन्द्र डंगोल, शिवहरि राई, संयोग माझी, प्रसान पौडेल, रोनम दूधराज, दिवस बुढा रहेको मकवानपुर जिल्ला तेक्वान्दो कार्यसमितिका सचिव बिक्रम लामिछानेले जानकारी दिनुभएको छ । प्रतियोगितामा सहभागी हुने खेलाडीहरुसँगै रेफ्री निरुकुमारी मगर र सचिव लामिछाने जानुभएको छ । प्रतियोगिता प्रथम, द्वितीय र तृतीय हुने खेलाडीहरुले स्वर्ण, रजत र कास्य पदकसहित प्रमाणपत्र प्राप्त गर्नेछन् । यसअघि हेटौंडा उपमहानगरपालिकाबाट बागमती प्रदेशस्तरीय जुनियर आमन्त्रण तेक्वान्दो प्रतियोगितामा २० जना सहभागी भएर ५ जना खेलाडीहरुले पदक प्राप्त गर्न सफल भएका थिए ।
