हेटौंडाः शनिबार र आइतबार हेटौँडाका तीन स्थानमा रक्तदान कार्यक्रम भएको छ । तीन स्थानमा भएको कार्यक्रममा ७२ जनाले रक्तदान गरेका छन् ।
हेटौँडा उपमहानगरपालिकाको वार्षिकोत्सवको अवसरमा आइतबार उपमहानगरपालिकाको कार्यालय परिसरमै भएको कार्यक्रममा ३० जनाले रक्तदान गरेको रक्तसञ्चार केन्द्र हेटौँडाका प्रमुख टंक दहालले जानकारी दिनुभयो । हेटौँडा उपमहानगरपालिकाको ५५ औं वार्षिकोत्सवको अवसरमा हेटौँडा उपमहानगरपालिकाले कार्यक्रम आयोजना गरेको हो । रक्तदान गर्नेमा ४ जना महिला र २६ जना पुरुष रहेका छन् । कार्यक्रममा हेटौँडा उपमहानगरपालिकाकी प्रमुख मीना कुमारी लामाको प्रमुख आतिथ्य रहेको दाहालले जानकारी दिनुभयोे ।
शनिबार हेटौंडाका दुई स्थानमा रक्तदान कार्यक्रम भएको थियो । हेटौँडा–१० स्थित बुद्धचोकमा भएको कार्यक्रममा २६ जनाले रक्तदान गरे । मुस्लिम इत्तेहादको ५ नम्बर वडा कमिटीको आयोजनामा भएको कार्यक्रममा ३ जना महिला र २३ जना पुरुषले रक्तदान गरेका थिए । कार्यक्रममा नेकपा एमाले मकवानपुरका अध्यक्ष प्रमुख एका लाल श्रेष्ठको प्र्रमुख आतिथ्य रहेको थियो । त्यसैगरी अख्तियार दुरुपयोग अनुसन्धान आयोगले शनिबार ३३ औं वार्षिकोत्सवको अवसरमा रक्तदान कार्यक्रम गरिएको थियो । रक्तदान कार्यक्रममा १६ जनाले रक्तदान गरेका थिए ।
