हेटौँडाः मकवानपुर जिल्लाको कैलाश गाउँपालिका–९, टिमुरेका जगत बहादुर नेगीको घरमा आगलागी भएको छ । शुक्रबार साँझ ५ बजेर ४५ मिनेटको समयमा गोठबाट सुरु भएको आगलागीले घरमा समेत क्षति पुर्याउँदा ४ लाख ५० हजार रुपैयाँ बराबरको क्षति भएको बागमती प्रदेश प्रहरी कार्यालय हेटौँडाले जानकारी दिएको छ ।
प्रहरी र स्थानीयको सहयोगमा साँझ ६ बजेर ४५ मिनेटको समयमा आगो पूर्णरुपमा नियन्त्रणमा लिएको थियो । आगलागीबाट एउटा बाख्रा जलेको र अन्य मानवीय क्षति नभएको प्रहरीले जनाएको छ । आगो कसरी लागेको भन्ने अनुसन्धान भइरहेको छ ।
