हेटौँडाः हेटौँडा उपमहानगरपालिकाकी प्रमुख मीनाकुमारी लामाले नगर खेलकुद विकास समितिका अध्यक्ष र सदस्यहरुलाई सपथ गराउनुभएको छ । अध्यक्ष र सदस्यहरुलाई नगर प्रमुख लामाले आइतबार आफ्नै कार्यकक्षममा सपथ गराउनुभएको हो । सपथग्रहण कार्यक्रममा उपप्रमुख राजेश बानियाँ, प्रमुख प्रशासकीय अधिकृत शिवराज चौलागाईको पनि उपस्थिति रहेको थियो ।
नगर प्रमुख लामाले माघ ४ गते नगर खेलकुद विकास समितिको अध्यक्षमा रविन्द्र्रप्रसाद घिमिरेसहित सदस्यमा विजय गौतम, सुनिल लोप्चन, यज्ञबहादुर राय र सरस्वती लोलाई नियुक्त गर्ने निर्णय गर्नुभएको थियो । यस्तै नगरप्रमुख लामाले संगीता कुमारी केसी माघ १९ गते शुक्रबार सदस्यमा नियुक्त गर्नुभएको थियो । नगर खेलकुद विकास समितिका अध्यक्ष चन्द्र शाहीको कार्यकाल गत साउन २६ गते सकिएको थियो । नगर खेलकुद विकास समितिको अध्यक्ष करिब ६ महिना रिक्त रह्यो ।
यता सदस्यहरुको कार्यकाल भने बाँकी नै रहेको भन्दै सदस्यहरुले नगरप्रमुख लामाको ध्यानाकर्षण गराए पनि आइतबार सदस्यको सपथ गराइएको छ ।
