हेटौँडाः चितवन जिल्लाको भरतपुर महानगरपालिका–२, लिलाचोकमा ट्रकले ठक्कर दिँदा पैदलयात्रीको मृत्यु भएको छ । मृत्यु हुनेमा धादिङ जिल्लाको निलकण्ठ नगरपालिका–७ घर भई हाल लिलाचोक डेरा गरी बस्ने ३७ वर्षीया रस्मिता रम्तेल रहेको बागमती प्रदेश प्रहरी कार्यालय हेटौँडाले जानकारी दिएको छ ।
बुधबार साँझ ५ बजेर ५० मिनेटको समयमा पुलचोकबाट पोखरा बसपार्क जाँदै गरेको ना ५ ख ७५०६ नम्बरको ट्रकले ठक्कर दिँदा रम्तेल गम्भीर घाइते भएकी थिईन् । घाइते रम्तेललाई उपचारका लागि जिल्ला अस्पताल लगिएकोमा उपचारको क्रममा साँझ ५ बजेर ५५ मिनेटमा मृत्यु भएको प्रहरीले जानकारी दिएको छ ।
