हेटौंडाः काभ्रेपलाञ्चोक र चितवन २ जनाको मृत्यु भएको छ । बागमती प्रदेश प्रहरी कार्यालय हेटौँडाका अनुसार काभ्रेपलाञ्चोक जिल्लाको देउराली गाउँपालिका–१, सानुबाङ थलीमा बाटोमा लड्दा एक जनाको मृत्यु भएको हो । मृत्यु हुनेमा ५५ वर्षीय चन्द्र बहादुर तामाङ रहेको प्रहरीले जानकारी दिएको छ ।
आइतबार बेलुका ७ बजेर ३० मिनेटको समयमा तामाङ जङ्गलबाट दाउरा लिई घर फर्कने क्रममा बाटोमा लडी गम्भीर घाईते भएका थिए । घाईले तामाङलाई उपचारका लागि धुलिखेल अस्पताल लगिएकोमा उपचारको क्रममा राती ११ बजेर ४८ मिनेटको समयमा मृत्यु भएको प्रहरीले जनाएको छ ।
यस्तै, चितवन जिल्लाको भरतपुर महानगरपालिका–१, स्थित देवघाट धर्मशालामा बस्दै आएका नामथर नखुलेको अन्दाजी ७० वर्षीय वृद्ध मृत फेला परेको प्रहरीले जानकारी दिएको छ । वृद्ध आइतबार बिहान ७ बजेर ४० मिनेटको समयमा धर्मशालामा मृत अवस्थामा फेला परेका प्रहरीले जानकारी दिएको छ ।
