हेटौँडाः जेसीआई बसामाडीको अध्यक्षमा उद्धवराज कठायत निर्वाचित हुनुभएको छ । शनिबार हेटौँडामा भएको २४ औं साधारणसभाबाट २०२४ का लागि कठायत सर्वसम्मत अध्यक्ष चयन हुनुभएको हो ।
जेसीजको कार्यकारिणी उपाध्यक्षमा सुदिप नेपाल र दिपेन्द्र यादव चयन हुनुभएको छ भने उपाध्यक्षमा प्रमोद उप्रेती, ध्रुब गौतम, अभ्युदय खनाल र आयुश बोम्जम चयन हुनुभएको छ । जेसीजको पदस्थापनमा अध्यक्षले महासचिव, कोषाध्यक्ष, कानुनी सल्लाहकारसहित विभिन्न पदमा सदस्यलाई मनोनित गर्ने प्रचलन छ । जेसीजमा ४० वर्षसम्मका युवाको सक्रिय सहभागिता रहने गरेको छ । जेसीजको कार्यकाल एक वर्षको हुनेछ ।
