हेटौँडाः मकवानपुरको मनहरी गाउँपालिका–६ बाट प्रहरीले लागुऔषध गाँजासहित एकजनालाई पक्राउ गरेको छ । पक्राउ पर्नेमा बारा जिल्लाको जितपुर–सिमरा उपमहानगरपालिका–७ टाँगाका २७ वर्षीय पर्वत दोर्जे योञ्जन रहेको बागमती प्रदेश प्रहरी कार्यालय हेटौंडाले जानकारी दिएको छ ।
शनिबार साँझ ५ बजेर १५ मिनेटको समयमा प्रहरी चौकी सुनाचुरीबाट खटिएको प्रहरी सहायक निरीक्षकको टोलीले हेटौंडाबाट चितवनतर्फ जाँदै गरेको ना ७ ख ३११७ नम्बरको बसमा सुरक्षाजाँच गर्दा बसको सह–चालक योन्जनको साथबाट ३ किलो लागुऔषध गाँजा बरामद गरेको थियो । लागुऔषध गाँजासहित योञ्जनलाई नियन्त्रणमा लिई थप अनुसन्धानका लागि इलाका प्रहरी कार्यालय मनहरी लगिएको प्रहरीले जानकारी दिएको छ ।
