हेटौँडाः मकवानपुरको भीमफेदी गाउँपालिकामा एक वृद्धको भीरबाट लडेर मृत्यु भएको छ ।
आइतबार दिउँसो २ बजेर ४५ मिनेटको समयमा भीमफेदी गाउँपालिका–३, बेसारघारीका ७० वर्षीय गणेश बहादुर स्याङ्तानको घर नजिकै घाँस काट्न जाँदा भीरबाट लडेर मृत्यु भएको खबर प्राप्त भएको प्रहरीले जनाएको छ । खबर प्राप्त हुनासाथ इलाका प्रहरी कार्यालय भीमफेदीबाट प्रहरी टोली घटनास्थल पुगेको जिल्ला प्रहरी कार्यालय मकवानपुरले जानकारी दिएको छ ।
