हेटौंडाः मकवानपुरगढी गाउँपालिका–४, फिर्केपाखास्थित ज्वालादेवी आधारभूत विद्यालयलाई मंगलबार रङ हस्तान्तरण गरिएको छ । हेटौंडा बजार लायन्स क्लब र बर्जर पेन्ट्सको सहयोगमा विद्यालयको छानामा लगाउने २० लिटर प्राइमर र ४० लिटर रातो रङ विद्यालयलाई हस्तान्तरण गरिएको विद्यालयका प्रधानाध्यापक सरोज फयालले जानकारी दिनुभयो ।
विद्यालयले सहयोगको माग राखेअनुसार लायन्स क्लबका प्रतिनिधिले बर्जर पेन्ट्ससमक्ष प्रस्ताव राख्दै विद्यालयलाई रङ सहयोग गरेको प्रधानाध्यापक फयालको भनाइ छ । यसअघि विद्यालयको कक्षाकोठाका लागि एसियन पेन्ट्सले रङ सहयोग गरेको थियो । रङ हस्तान्तरण कार्यक्रममा हेटौंडा बजार लायन्स क्लबका अध्यक्ष रोशन खनाल, विद्यालय व्यवस्थापन समितिका अध्यक्ष एवम् विद्यालयका शिक्षक विद्यार्थीहरूको सहभागिता रहेको थियो । हस्तान्तरित रङ करिब ३४ हजार रुपियाँ बराबरको रहेको प्रधानाध्यापक फयालले जानकारी दिनुभएको छ ।
