हेटौंडाः मकवानपुरको मनहरी गाउँपालिकास्थित मनहरी बहुमुखी क्याम्पसको क्याम्पस प्रमुखमा गोविन्द बर्तौला नियुक्त हुनुभएको छ । बर्तौला यसअघि सहायक क्याम्पस प्रमुख हुनुहुन्थ्यो ।
क्याम्पस सञ्चालक समितिको शनिबार बसेको वैठकले बर्तौलालाई क्याम्पस प्रमुखमा नियुक्त गर्ने निर्णय गरेको हो । निवर्तमान क्याम्पस प्रमुख अमित पौडेलको कार्यावधि सकिएपछि क्याम्पस सञ्चालक समितिले बर्तौलालाई क्याम्पस प्रमुखमा नियुक्त गरेको हो । नवनियुक्त क्याम्पस प्रमुख बर्तौलाले मकवानपुर बहुमुखी क्याम्पसबाट वाणिज्यशास्त्रमा स्नात्तकोत्तर तह उत्तीर्ण गर्नुभएको छ । मनहरी बहुमुखी क्याम्पस २०७० सालमा स्थापित भएको हो ।
