हेटौंडाः विदेशिने युवा पुस्ताको आकर्षणलाई लक्षित गर्दै हेटौँडामा शाखा विस्तार गरेको सातामै मेभन कन्सल्टिङ ग्रुपले सोमबार हेटौँडामा वैदेशिक शिक्षासम्बन्धी सेमिनारको आयोजना गरेको छ । वैदेशिक शिक्षाको तयारीमा रहेका विद्यार्थीलाई कुन देशमा कस्तो अवसर रहेको छ भन्ने बारेमा निःशुल्क परामर्श दिइएको हेटौँडा शाखाका प्रबन्ध निर्देशक सन्दिप बिडारीले जानकारी दिनुभयो ।
१२ कक्षा उत्तीर्ण गरी विश्वविद्यालय तहको शिक्षा हासिल गर्ने तयारीमा रहेका विद्यार्थीलाई लक्षित गरी परामर्श कार्यक्रमको आयोजना गरिएको हो । कार्यक्रममा मेभनका ब्रान्ड एम्बासेडर धिरज मगरको पनि उपस्थिति रहेको थियो । कन्सल्टेन्सिको मुख्यालय अस्ट्रेलियाको सिड्निमा रहेको जानकारी दिनुहुँदै हेटौँडा शाखाका प्रबन्ध निर्देशक विडारीले अहिले अमेरिका, बेलायत, अष्ट्रेलियासँगै युरोपेली मुलुक जान चाहने विद्यार्थीलाई आवश्यक परामर्श तथा प्रक्रियागत सहजीकरण गरिने जानकारी दिनुभयो । वैदेशिक शिक्षाका लागि जान चाहने विद्यार्थीका लागि प्रत्यक्ष र अनलाइन कक्षाहरु सञ्चालन गरिने बताइएको छ ।
