हेटौँडाः हेटौँडा अटोमोबाइल्स एसोसिएसनले शनिबार हेटौँडाको बुद्धचोकमा रक्तदान कार्यक्रम आयोजना गरेको छ । कार्यक्रममा ३५ जनाले रक्तदान गरेका छन् ।
रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो । एसोसिएसनका अध्यक्ष दामोदर प्रसाद अटलको अध्यक्षता तथा हेटौँडा उपमहानगरपालिकाकी प्रमुख मीना कुमारी लामाको प्रमुख आतिथ्यमा रक्तदान कार्यक्रमको उद्घाटन समारोह भएको थियो । एसोसिएसनले वार्षिक सामाजिक कार्यक्रमको रुपमा रक्तदान कार्यक्रमको आयोजना गरेको जनाएको छ ।
