हेटौँडाः मकवानपुरको कैलाश गाउँपालिकामा खोलाले बगाउँदा ४ वर्षीया बालिकाको मृत्यु भएको छ ।
आइतबार दिनको ४ बजेर ३० मिनेटको समयमा कैलाश गाउँपालिका–१०, भालटारमा मनहरी खोलाले बगाउँदा ४ वर्षीया प्रमिसा स्याङ्तानको मृत्यु भएको जिल्ला प्रहरी कार्यालय मकवानपुरले जनाएको छ । साथीहरुसँग खेल्न गएकी प्रमिसालाई खोलाले बगाएर मृत्यु भएको भनी स्थानीयले प्रहरीलाई जानकारी गराएका थिए । प्रहरी घटनास्थलमा पुगेर आवश्यक अनुसन्धान गरिरहेको जनाएको छ ।
