हेटौंडाः मकवानपुर प्रहरीले लागुऔषध कोरेक्ससहित एकजनालाई पक्राउ गरेको छ । पक्राउ पर्नेमा बारा जिल्लाको जीतपुर सिमरा–४ का २७ वर्षीय न्यामदिन अन्सारी रहेको बागमती प्रदेश प्रहरी कार्यालय हेटौंडाले जनाएको छ ।
बुधबार दिउँसो २ बजेर ३० मिनेटको समयमा हेटौंडा–१० स्थित बसपार्कमा पैदल हिँडिरहेका अन्सारीलाई प्रहरी टोलीले सुचनाको आधारमा सुरक्षाजाँच गर्दा उनको साथबाट लागुऔषध कोरेक्स २ सय ५० मिली लिटर बरामद गरेको हो । अन्सारीलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।
