हेटौँडाः पूर्व–पश्चिम राजमार्गअन्तर्गत हेटौँडा–१५, रातोमाटेस्थित प्रहरी चेक पोष्टबाट मकवानपुर प्रहरीले लागुऔषध गाँजासहित २ जनालाई पक्राउ गरेको छ । पक्राउ पर्नेमा सिन्धुली जिल्लाको हरियरपुर गाउँपालिका–३ नयाँबस्तीका ३० वर्षीय बुद्ध बहादुर भोलन र ३० वर्षीय लाल बहादुर तामाङ रहेको प्रदेश प्रहरी कार्यालय हेटौँडाले जानकारी दिएको छ ।
बिहिबार साँझ ५ बजेको समयमा हेटौँडाबाट वीरगञ्जतर्फ जाँदै गरेको बा ४ ख २१९१ नम्बरको बसलाई सुरक्षाजाँच बसमा सवार भोलन र तामाङको साथबाट प्रहरीले लागुऔषध गाँजा ६ किलो ५ सय ग्राम बरामद गरेको जनाएको छ । लागुऔषध गाँजासहित दुवैजनालाई नियन्त्रणमा लिई थप अनुसन्धान गरिरहेको प्रहरीले जानकारी गराएको छ ।
