हेटौँडाः मकवानपुर जिल्ला फुटबल संघले आव्हान गरेको १९ वर्ष उमेर समूहको फुटबल खेलाडी छनोटमा १ सय २१ जना खेलाडी सहभागी भएका छन् । हेटौँडा–५ स्थित पिप्ले–क्याम्पा रंगशालामा संघले आइतबारदेखि छनोट सुरु गरिएको छ ।
१९ वर्ष उमेर समूहको राष्ट्रिय टिम तयार पार्न अखिल नेपाल फुटबल संघ (एन्फा) ले जिल्लादेखि नै छनोटको प्रक्रिया सुरु गरेको हो । जिल्लाबाट प्रदेश हुँदै राष्ट्रिय टिम तयार पार्नेछ । यसरी छनोट हुने राष्ट्रिय टिमले साफ च्याम्पियनसीपमा सहभागिता जनाउनेछ । केही दिनअघि मात्रै एन्फाले १६ वर्ष उमेर समूहको टिम जिल्ला हुँदै प्रदेशस्तरमा छनोट गरिसकेको छ ।
