हेटौँडाः रग्बी खेलको राष्ट्रिय टिममा मकवानपुरका विक्रम भारती चयन हुनुभएको छ । पोखरामा जारी बन्दप्रशिक्षणमा सहभागी भारती १२ सदस्यीय राष्ट्रिय टिममा छानिनु भएको हो । बन्द प्रशिक्षणमा रहेका २४ जनामध्ये भारतीसहित १२ जना चयन गरिएको राष्ट्रिय खेलकुद परिषदले जनाएको छ ।
आगामी सेप्टेम्बरमा चीनमा हुने १९ औं एसियाली खेलकुदमा सहभागी हुने नेपाली राष्ट्रिय टोलीले तयारीस्वरुप थाइल्याण्ड र मलेसिया जाने बताइएको छ । रग्वीको राष्ट्रिय टोलीले अहिले पोखरा रंगशालामा प्रशिक्षण गरिरहेको छ । दुई वर्षदेखि मकवानपुरका विक्रम भारतीय नियमितरुपमा राष्ट्रिय टिममा सहभागी हुनुहुन्छ । २४ सदस्यीय प्रारम्भिक टोलीलाई राष्ट्रिय खेलकुद परिषद्ले एक महिनादेखि पोखरामा बन्दप्रशिक्षणमा राखेको छ । मकवानपुरका बिक्रम भारती यसअघि राष्ट्रिय टिममा सहभागी हुँदै बंगलादेश र भारतमा भएको प्रतियोगितामा सहभागी भइसक्नु भएको छ ।
