हेटौंडाः नेपालमा कोरोना भाइरस (कोभिड–१९) बाट संक्रमितको संख्या ७७२ पुगेको छ । आज ९० जना नयाँ संक्रमित थपिएका छन् । हालसम्म नेपालका ४६ जिल्लामा कोरोना भाइरसको संक्रमित पाइएका छन् ।
देशका विभिन्न स्थानमा रहेका प्रयोगशालामा गरिएको परीक्षणका आधारमा नयाँ संक्रमित भेटिएको स्वास्थ्य तथा जनसंख्या मन्त्रालयको नियमित पत्रकार सम्मेलनको क्रममा आज साँझ डा. विकास देवकोटाले जानकारी गराउनुभएको हो । नेपालमा हालसम्म ४ जनाको कोरोना संक्रमणबाट मृत्यु भइसकेको छ भने १५५ जना निको भएर घर फर्किसकेका छन् ।
