हेटौंडाः हेटौंडा–१३ स्थित बुद्धचोककी ४३ वर्षीय कृष्ण माया घलान मृत अवस्थामा फेला परेका छन् । मंगलबार बिहान ११ बजेर ४० मिनेटको समयमा हेटौंडा–१३, गोठदमार सल्लाघारीस्थित जंगलमा घलान सडेगलेको अवस्थामा घलान मृत फेला परेको जिल्ला प्रहरी कार्यालय मकवानपुरले जनाएको छ ।
एक शव सडेगलेको अवस्थामा छ भन्ने खबर प्रहरी चौकी पदमपोखरीमा प्राप्त हुन साथ प्रहरी टोली घटनास्थलमा खटेर शवलाई सुरक्षित राखेको थियो । घलान असार २५ गते दिउँसो १ बजेबाट हराएको भनेर २६ वर्षीय छोरा समन घलानले जिल्ला प्रहरी कार्यालय मकवानपुरमा निवेदन दिएको थियो । समनले मृतको हातमा भएको बाला र कपडाबाट पहिचान गरेको र पोष्टमार्टमका लागि हेटांैडा अस्पताल ल्याइएर थप अनुसन्धान गरिरहेको जनाएको छ ।
