हेटौँडाः मकवानपुर प्रहरीले लागुऔषध ट्रामाडोल क्याप्सुल २ सय ७० ट्याबलेटसहित एक जनालाई पक्राउ गरेको छ । पक्राउ पर्नेमा हेटौँडा–१४, बँदेलधापका २४ वर्षीय किरण लामा रहेको जिल्ला प्रहरी कार्यालय मकवानपुरले जनाएको छ ।
सोमबार साँझ ५ बजेर ३० मिनेटको समयमा हेटौँडा–१५, रातोमाटेस्थित प्रहरी चेकपोष्टमा चुरियामाईबाट हेटौँडातर्फ आउँदै गरेका पैदलयात्री लामालाई शंका लागेर सुरक्षाजाँच गर्दा उनको साथबाट ट्रामाडोल क्याप्सुल बरामद भएको जनाएको छ । लागुऔषधसहित लामालाई नियन्त्रणमा लिएर प्रहरीले थप अनुसन्धान गरिरहेको जनाएको छ ।
