हेटौँडाः हेटौँडा–१३, पदमपोखरीमा मिनी रंगशाला निर्माण कार्य हुँदैछ । हेटौँडा उपमहानगरपालिकाको २५ लाख रुपैयाँ बजेटमा मिनी रंगशाला निर्माण गर्न लागिएको हो ।
ट्रसको प्यारापिट निर्माणको कार्य भइरहेको पदमपोखरी खेल मैदान निर्माण समितिका अध्यक्ष अमृत लुङबाले जानकारी दिनुभयो । उपमहानगरले विनियोजन गरेको बजेट बराबरको काम असार १५ गते भित्र सकिने उहाँको भनाइ छ । पदमपोखरी क्षेत्रमा फुटबल खेल लोकप्रिय भएकोले मिनी रंगशाला निर्माण गर्न लागिएको र दर्शकले प्यारापिटमा बसेर खेल हेर्ने सुविधा प्राप्त गर्ने लुङ्बाले बताउनुभयो । ४ सय दर्शक क्षमताको ८२ फिट लम्याइको प्यारापिट निर्माण गरिँदै छ ।
