हेटौँडाः लागुऔषध वानरेक्स २ सय ३३ बोतलसहित एकजनालाई मकवानपुर प्रहरीले पक्राउ गरेको छ ।
शनिबार बिहान साढे १० बजेको समयमा हेटौँडा–१४, मयुरधापस्थित अस्थायी प्रहरी पोष्टबाट खटिएको प्रहरी सहायक निरीक्षक निर्दोष लामा कमाण्डको प्रहरी टोलीले मयुरधापमा सवारी साधनहरु रोकी सुरक्षाजाँच गर्ने क्रममा बा प्र ०२–०२३ प १३७२ नम्बरको बुलेट मोटरसाइकलमा सवार हेटौँडा–१४ का रुपेश ढुंगानाको साथबाट लागुऔषध बरामद गरेको हो । प्रहरीले लागुऔषधसहित रुपेश र मोटरसाइकल नियन्त्रणमा लिई आवश्यक अनुसन्धान गरिरहेको जनाएको छ ।
