हेटौँडाः हेटौँडा–४ स्थित भुटनदेवी माविले शैक्षिक सहयोगी क्रियाकलापअन्तर्गत कथावाचन प्रतियोगितामा प्रथम, द्वितीय र तृतीय हुने विद्यार्थीलाई पुरस्कृत गरेको छ । शुक्रबारीय क्रियाकलापअन्तर्गत कक्षा १ देखि ८ सम्मका विद्यार्थीबीच सेक्सनगत कथावाचन प्रतियोगिताको आयोजना गरिएको थियो ।
भुटनदेवी माविमा कक्षा १ देखि ८ सम्म १७ वटा सेक्सन रहेका छन् । प्रतियोगितामा कक्षा ८ का प्रथम, द्वितीय र तृतीय हुने विद्यार्थीलाई पुरस्कारस्वरुप कथाका किताब वितरण गरिएको भुटनदेवी माविको शैक्षिक सहयोगी क्रियाकलाप संयोजक सुमन श्रेष्ठले जानकारी दिनुभएको छ । १ कक्षादेखि ७ कक्षासम्मका विद्यार्थीलाई भने पुरस्कारस्वरुप कापी वितरण गरिएको छ ।
