हेटौँडाः पूर्वि मकवानपुरको बकैया गाउँपालिकास्थित बकैया खोलामा डुबेर एक बालकको मृत्यु भएको छ । मृत्यु हुनेमा बकैया गाउँपालिका–६, बेसीटोलका ११ वर्षीय सन्देश भोम्जन रहेको जिल्ला प्रहरी कार्यालय मकवानपुरले जनाएको छ ।
शनिबार दिउँसो ३ बजेको समयमा भोम्जन साथीहरुसँग बकैया खोलामा नुहाउने क्रममा डुबेका थिए । खोलामा डुबेको अवस्थामा सोही ठाउँमा बस्ने मंगल बहादुर थिङले देखेर पानीबाट बाहिर निकाल्दा भोम्जनको मृत्यु भैसकेको प्रहरीले जनाएको छ । भोम्जनको शव मुचुल्का पश्चात पोष्टमार्टमका लागि जिल्ला अस्पताल हेटौँडा ल्याइएको प्रहरीले जनाएको छ ।
