हेटौँडाः हेटौँडाको बुद्धचोकमा शनिबार बिहान रक्तदान कार्यक्रम भएको छ । परिवर्तनका लागि युवाले आयोजना गरेको कार्यक्रममा २१ जनाले रक्तदान गरेका छन् ।
रक्तसञ्चार केन्द्र हेटौँडाको प्राविधिक सहयोगमा रक्तदान कार्यक्रम भएको हो । संकलित रगत मकवानपुरमा मात्रै खपत नहुने भएकोले रक्तसञ्चार केन्द्र हेटौँडाले मागअनुसार चितवन जिल्लामा पनि पठाउने गरेको रक्तसञ्चार केन्द्र हेटौँडाका प्रमुख टंक दाहालले जानकारी दिनुभएको छ । नेपाल रेडक्रस सोसाइटीद्वारा सञ्चालित रक्तसञ्चार केन्द्रले रगत संकलन र आवश्यकताअनुसार वितरणको कार्य गर्दै आएको छ ।
