हेटौंडाः मकवानपुरको मकवानपुरगढी गाउँपालिका–५, धादिङमा आइतबार भएको रक्तदान कार्यक्रममा २७ जनाले रक्तदान गरेका छन् । नेकपा एमाले मकवानपुरगढी गाउँपालिका ५ र ६ नम्बर वडा कमिटीले आयोजना गरेको रक्तदान कार्यक्रममा रक्तसञ्चार केन्द्र हेटौंडाले प्राविधिक सहयोग गरेको छ । भोलि मंगलबार हेटौंडा–१२, पदमपोखरीमा रक्तदान कार्यक्रमको आयोजना गरिएको छ ।
यसअघि शनिबार हेटौंडाको दुई स्थानमा रक्तदान कार्यक्रम हुँदा ५३ जनाले रक्तदान गरेका थिए । हेटौंडाको चौघडा र पदमपोखरीमा भएको रक्तदान कार्यक्रममा ५३ जनाले रक्तदान गरेको रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभएको छ ।
