हेटौंडाः नेपाल उद्योग वाणिज्य महासंघको जिल्ला नगर कार्यसमिति सदस्य पदमा मकवानपुरका व्यवसायी कृष्ण कटुवाल विजयी हुनुभएको छ । बिहिबार राती प्राप्त अन्तिम मत परिणाम अनुसार उहाँले ६७ मत प्राप्त गर्नुभई विजयी हुनुभएको हो ।
निर्वाचनबाट १८ जना जिल्ला नगर कार्यकारिणी सदस्य निर्वाचित भएका मध्ये उहाँ १२ औं नम्वरमा निर्वाचित हुनुभएको हो । कटुवाल मकवानपुर उद्योग बाणिज्य संघको निवर्तमान अध्यक्ष हुन् । नेपाल उद्योग वाणिज्य महासंघको जिल्ला नगर उपाध्यक्षमा सुरकृष्ण वैद्य र वस्तुगत उपाध्यक्षमा हेमराज ढकाल विजयी हुनुभएको छ । वैद्य ४३ मत पाउँदै विजयी हुँदा अन्य प्रत्यासी अरुणराज सुमार्गीले ३७ र दिनेश श्रेष्ठले ३४ मत प्राप्त गर्नुभएको हो ।
