हेटौंडाः नयाँ वर्ष २०८० को अवसरमा खुला दौड प्रतियोगिता हुने भएको छ । हेटौंडा उपमहानगरपालिकाको आयोजनामा हुने दौड प्रतियोगिता ५ किलोमिटर दूरीको हुनेछ ।
वैशाख ३ गते आइतबार बिहान हुने प्रतियोगितामा १८ वर्षदेखि ४० वर्ष उमेर समूहका व्यक्ति सहभागी हुन सक्नेछन् । दौड प्रतियोगितामा प्रथम हुने खेलाडीले नगद ५० हजार रुपैयाँ, द्वितीय हुनेलाई नगद ३० हजार रुपैयाँ, तृतीय हुनेलाई नगद २० हजार रुपैयाँ र उत्कृष्ट दुईजना खेलाडिलाई प्रोत्साहन स्वरुप जनही नगद १० हजार रुपैयाँ पुरस्कार वितरण गरिने हेटौंडा उपमहानगरपालिकाको शिक्षा महाशाखाका प्रमुख गंगाधर रिमालले जानकारी दिनुभयो ।
