हेटौंडाः जिल्ला ट्राफिक कार्यालय मकवानपुरको प्रमुखको जिम्मेवारी प्रहरी निरीक्षक बसन्त आचार्यले सम्हाल्नु भएको छ । प्रहरी निरीक्षक आचार्यले सोमबार कार्यालयमा उपस्थित भएर ट्राफिक प्रहरीको जिम्मेवारी सम्हाल्नुभएको हो ।
आचार्य हाल अनुसन्धान ब्युरोबाट मकवानपुरमा सरुवा भएर आउनुभएको हो । आचार्यले चितवन र बाँके जिल्लामा इलाका प्रहरी कार्यालय प्रमुखको जिम्मेवारी सम्हाल्नु भइसकेको छ । यसअघि मकवानपुरका ट्राफिक प्रमुख मुनेन्द्र थापा काठमाडौं उपत्यका ट्राफिक कार्यालयमा सरुवा भएर जानुभएको थियो । थापाले मकवानुरमा यस वर्षको बैशाख १ गतेदेखि ट्राफिक प्रमुखको जिम्मेवारी सम्हाल्नुभएको थियो ।
