हेटौंडाः मकवानपुर जिल्लाको भीमफेदी गाउँपालिकाका एक कर्मचारीको पीसीआर विधिबाट गरिएको परीक्षणमा कोरोना संक्रमण नदेखिएको गाउँपालिकाका अध्यक्ष हिदम लामाले जानकारी दिनुभएको छ । हिजो आरडीटी विधिबाट परीक्षण गर्दा पोजेटिभ नतिजा आएका गाउँपालिकाका कर्मचारीको आज पीसीआर विधिबाट गरिएको परीक्षणको रिपोर्टका आधारमा कोरोनाको संक्रमण नपाइएको अध्यक्ष लामाले बताउनुभयो । गाउँपालिकाका जनप्रतिनिधि र कर्मचारी नियमित काममा खटिएको र विदेशबाट आएकाहरुको आरडीटी टेस्टमा पनि सक्रिय रहेकोले उनीहरुको पनि आरडीटी परीक्षण गरिएको थियो ।
