हेटौंडाः हेटौंडा–१५, रातोमाटेस्थित जनजागृति माविमा चिठ्ठी लेखन प्रतियोगिताको आयोजना गरिएको छ । शुक्रबार विद्यालयले आयोजना गरेको चिठ्ठी लेखनमा प्रतियोगितामा कक्षा ८ र ९ का ६३ जना विद्यार्थीको सहभागिता रहेको प्रधानाध्यापक केशव सञ्जेलले जानकारी दिनुभयो ।
समाजमा रहेको महिला हिंसा, लैङ्गिक हिंसा, जातीय विभेद आदिको न्यूनीकरणको विषयमा विदेशमा बस्ने काकालाई चिठ्ठी लेखन प्रतियोगिता भएको प्रधानाध्यापक सञ्जेलले बताउनु भयो । प्रतियोगिताको नतिजा आइतबार प्रकाशन हुने उहाँले जानकारी दिनुभएको छ । अघिल्लो शुक्रबार विद्यालयले वातावरण संरक्षणसम्बन्धी निबन्ध प्रतियोगिता आयोजना गरेको थियो ।
