हेटौंडाः दशनामी समाज मकवानपुरको आयोजनामा हेटौंडा–८, कमाने निमचोकमा रक्तदान कार्यक्रम भएको छ । शनिबार बिहान भएको कार्यक्रममा ३९ जनाले रक्तदान गरेका छन् ।
कार्यक्रम संयोजक विदुर गिरीको अध्यक्षता तथा वडा अध्यक्ष रामकृष्ण थापाको प्रमुख आतिथ्यमा रक्तदान कार्यक्रम भएको हो । रक्तदान कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो । रक्तदातालाई कलाकार शारदा गिरी (कालिबुढी) ले प्रमाणपत्र वितरण गर्नुभएको थियो । दशनामी समाज मकवानपुरका तेस्रो अधिवेशन शनिबार नै हुँदैछ ।
