हेटौंडाः लागुऔषध गाँजासहित ५ जनालाई मकवानपुुर प्रहरीले बस्तीपुरबाट पक्राउ गरेको छ । बुधबार राती साढे १० बजेको समयमा हेटौंडा–१९, बस्तिपुरको भित्री सडकखण्डमा कुवापानीबाट बस्तिपुरतर्फ आउँदै गरेको बा २१ च ९३२६ नम्बरको गाडी, ना २१ प १०९० नम्बरको मोटरसाइकललाई रोकेर सुरक्षाजाँच गर्दा गाडीबाट लागुऔषध गाँजा ४२ केजी र मोटरसाइकल चालकबाट ६० ग्राम लागुऔषध गाँजा बरामद भएको प्रहरीले जनाएको छ ।
प्रहरीले मोटरसाइकल चालक हेटौंडा–१९ का १९ वर्षीय नवराज थिङ, गाडि चालक बारा जिल्लाको बौदिमाई नगरपालिका–४ का २० वर्षीय राज कुमार राम, गाडिमा सवार पर्सा जिल्लाको बिश्रामपुर नगरपालिका–९ का ४० वर्षीय नमोदिन देवान, बिश्रामपुर नगरपालिका–७ का २२ वर्षीय श्रीराम राउत कुर्मी र १६ वर्षीय एक किशोरलाई प्रहरीले पक्राउ गरेको जनाएको छ । पक्राउ परेकाहरुलाई हिरासतमा राखी थप अनुसन्धान गरिरहेको प्रहरीले जानकारी दिएको छ ।
