हेटौंडाः पाँचौ संस्करणको स्थानीय तह शहीद स्मृति अन्तर्राष्ट्रिय मकवानपुर गोल्डकप फुटबल प्रतियोगिता अन्तर्गत आज बुधबार क्वाटरफाइनलका एक खेल हुँदै छ । हेटौंडा–५, पिप्लेस्थित क्याम्पा रंगशालामा हुने आजको क्वाटरफाइनल खेलमा पर्साको वीरगंज युनाइटेड र एभिनिर एफसि क्यामरुनबीच प्रतिस्पर्धा हुनेछ ।
वीरगंंज र एभिनिरबीचनको खेल दिउँसो ३ बजे हुनेछ । आज दुवै टोली जित निकाल्ने योजनासहित मैदान उक्रनेछ । आजको विजेताले सेमिफाइनलमा स्थान बनाउने छ । प्रतियोगिताको उपाधि विजेताले १५ लाख रुपैयाँ र उपविजेताले १० लाख रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले नगद ५० हजार रुपैयाँ प्राप्त गर्नेछन् भने विधागत उत्कृष्ट खेलाडीहरुले २५–२५ हजार रुपैयाँ प्राप्त गर्नेछन् ।
