हेटौंडाः मकवानपुरको मनहरी गाउँपालिका वडा नम्बर ९ मा मंगलबार राती ९ बजेर ५० मिनेटको समयमा सवारी दुर्घटना हुँदा एक जना गम्भिर घाईते भएका छन् । पुर्व–पश्चिम सडकखण्डमा बा प्र ०३–००१ ख १०९२ नम्बरको टेलर ट्रक बिग्रिएर सडक छेउमा रोकिराखेको अवस्थामा चितवन तर्फबाट हेटौंडातर्फ जाँदै गरेको ना ६४ प ७५७२ नम्बरको मोटरसाइकल आफैं अनियन्त्रित भई दुर्घटना भएको थियो ।
मोटरसाइकल अनियन्त्रित भई टेलरको पछाडी ठोक्किएर दुर्घटना हुँदा चालक हाल नामथर वतन नखुलेको अन्दाजी २५/२६ वर्षीय पुरुष गम्भिर घाईते भएका छन् । उनको टाउकोमा गम्भिर चोट लागेर उपचारको लागि भरतपुर चितवन तर्फ पठाईएको प्रहरीले जनाएको छ । दुबै सवारी साधन र ट्रक चालक प्रहरीको नियन्त्रणमा रहेको छ । घटनास्थलमा ईलाका प्रहरी कार्यालय मनहरीबाट प्रहरी सहायक निरीक्षक राजकुमार घलेको कमाण्डमा प्रहरी टोलि खटिएको थियो ।
