हेटौंडाः साहित्य संगम मकवानपुरले साहित्य संगम मकवानपुर सम्मान–२०७८ का लागि देशभरका कथाकारहरुलाई आफ्ना कृति उपलब्ध गराउन आव्हान गरेको छ । संगमले सोमबार एक सूचना जारी गर्दै २०७८ वैशाखदेखि चैत्रसम्म प्रकाशन भएको कथा विधाका मौलिक कृति उपलब्ध गराउन आग्रह गरेको छ ।
संगमका संस्थापक केशव श्रेष्ठ ‘ज्योति’ ले यसै वर्षदेखि स्थापना गर्नुभएको सम्मानको राशी २५ हजार १ रुपैयाँ रहेको छ । यही माघ २० गतेसम्म कृति उपलब्ध गराउनुपर्ने बताइएको छ । साहित्य संगम मकवानपुरको अग्रणी साहित्यिक संस्था हो । संगमले नियमित साहित्य सन्ध्याको आयोजना गरी साहित्य सिर्जनाका लागि प्रेरित गर्नुका साथै प्रस्तुतीको अवसर प्रदान गर्ने गरेको छ भने विभिन्न पुरस्कार तथा सम्मान पनि प्रदान गर्दै आएको छ ।
