हेटौंडाः मुक्तक मञ्च मकवानपुरले मञ्चको दोस्रो वार्षिकोत्सवको अवसरमा विद्यालयस्तरीय मुक्तक प्रतियोगिता आयोजना गर्ने भएको छ । प्रतियोगितामा जिल्लाभरका माध्यमिक तह (९ देखि १२ कक्षा)का विद्यार्थी सहभागी हुन सक्नेछन् ।
प्रतियोगितामा सहभागिताका लागि इच्छुक विद्यार्थीले दुईवटा मुक्तक पठाउनु पर्नेछ । प्रतियोगिता पुस १६ गते हुने बताइएको छ । प्रतियोगिताबाट एकजना उत्कृष्ट मुक्तककारलाई नगद ५ हजार रुपैयाँसहित इन्दिरादेवी स्मृति मुक्तक पुरस्कारबाट पुरस्कृत गरिनेछ । पुरस्कार गजलकार तथा मुक्तककार श्रीराम अधिकारीले हजुरआमाको सम्झनामा स्थापना गर्नुभएको हो ।
