हेटौँडाः निरज श्रेष्ठको स्मृतिमा भइरहेको जिल्लास्तरीय अन्तरविद्यालय टि–२० किक्रेट प्रतियोगितामा सोलिड्यारिटी इन्टरनेशनल एकेडेमी सेमीफाइनलमा प्रवेश गरेको छ । मंगलबार हुप्रचौरमा भएको पहिलो खेलमा तुल्सीमेहर मेमोरियल स्कूललाई ७३ रनले पराजित गर्दै सोलिड्यारिटी सेमीफाइनल प्रवेश गरेको हो ।
टस जितेर तुल्सीमेहरले पहिले बलिङ गरेकोे थियो । व्याटिङको निम्तो पाएको सोलिड्यारिटीले निर्धारित २० ओभरमा ९ विकेटको क्षतिमा १ सय ६५ रन बनायो । सोलिड्यारिटीका लागि पंकज पटेलले ५६ रन, अनिष यादवले ३९ रन बनाए । १ सय ६६ रनको लक्ष्य पछ्याएको तुल्सीमेहरले १६ ओभर ४ बलमा अलआउट हुँदै जम्मा ९२ रन मात्रै बनाउन सक्यो ।
तुल्सीमेहरलाई सस्तैमा समेट्ने क्रममा सोलिड्यारिटीका बलर सुरज यादवले ३ विकेट लिँदा एम डि साकिव र रुपेश पटेलले समान २ विकेट लिए । म्यान अफ द म्याच सोलिड्यारिटीका पंकज पटेल घोषित भए ।
